Var að setja bloggið í jólabúning:)

Fékk þetta sent í tölvupósti áðan, lýst mjög vel á þessa uppskrift þar sem mér finnst hefðbundið jólaglögg yfirleitt vont, en þetta er einfalt og gott:) Ég er reyndar ekki frá því að ég myndi sleppa rúsínunni, er ekkert alltof hrifin af þeim.....

Þar sem aðventan fer bráðum að skella á !!
þá er hér fín uppskrift að jólaglöggi .. ekkert of flókin!!

Njótið vel.


Einfalt finnskt jólaglögg


1 líter finnskur vodka

1 rúsína


Hrært og skreytt með greni.

Ég horfði á Stundina okkar í gær með dótturinni, svona með öðru auganu. Þar er kominn nýr dagskrárliður sem samanstendur af samræðum á milli talandi grænmetis og konunnar sem er að matbúa úr því....hmm.....er ég ein um að finnast þessi dagskrárliður frekar súr? Hér kemur smá brot úr samtali konunnar og gulrótar: "Ef þú hættir ekki að rífa þig, þá ríf ég þig!" Þetta var endurtekið nokkrum sinnum og svo á endanum þá fór konan að rífa gulrótina með grænmetisjárni.....og svo breyttist afskurðurinn í snák sem skreið uppá nálægt saltablað.....ég veit ekki ég er kannski svona ómenningarlega sinnuð en ég skil ekki svona barnaefni....dóttirin horfði hinsvegar á þetta með athygli.....þannig að þá er kannski tilganginum náð.

Jæja, kannski ég reyni að skrifa eitthvað smá:) Helgin var fín. Það var mót hjá Sæba um helgina, og gekk bara ágætlega. Við Katla vorum bara heima á laugardaginn, vorum hrikalega duglegar og tókum til, ég skúraði meira að segja, ekki beint daglegt brauð á mínu heimili, enda fengi ég seint verðlaun sem húsmóðir ársins. Svo fengum við fjölskyldan okkur göngutúr útí Nóatún í rigningunni eftir matinn, einstaklega hressandi. Horfðum svo á söfnunarsjónvarpið fyrir Sjónarhól, frábært hvað það gekk vel að safna. Katla var alsæl að sjá Línu Langsokk og toppnum var nú aldeilis náð þegar Lilli klifurmús og Lína tóku lagið saman:) Í gær fórum við Katla svo á búðarrölt. Fórum á lagersöluna hjá Leikbæ og gerðum heldur betur góð kaup, keyptum þarna nokkrar jólagjafir. Kíktum svo í Kringluna, en þar fóru fram úrslit í fatahönnunarkeppni grunnskólanema. Birgitta, frænka mín var þar á meðal keppanda og stóð sig sérdeilis vel. Við Katla sóttum svo Sæba þegar mótið var búið og kíktum aðeins í Smáralind, keyptum þar 2 jólagjafir í viðbót. Erum ekkert smá dugleg þessa dagana, bara að verða búin að kaupa allar jólagjafirnar, fínt að vera svona snemma í því:) Já, þetta er svona það helsta frá helginni...held að ég láti þetta bara duga í bili:)