Persónuleikapróf
Þú hefur hlotið 36 stig

Persónuleiki þess sem fær á milli 31-40 stig:
Annað fólk skynjar þig sem varkára, hagsýna vitsmunaveru. Þú þykir snjöll, hæfileikarík en hógvær persóna. Ekki manneskja sem eignast vini of auðveldlega en ert mjög trygg vinum þínum og ætlast til sama trygglyndis til baka. Þeir sem kynnast þér virkilega vel átta sig á því að það þarf býsna mikið til að glata trausti þínu, en ef það gerist tekur það langan tíma að gróa og gerist jafnvel aldrei.

Hver varstu í fyrra lífi?

Niðurstöðurnar:
--------------------------------------------------------------------------------
Ég veit svo sem ekki hvað þér finnst um það...en þú varst karlmaður í þinni síðustu tilvist.
Þú fæddist í síðasta lífi á stað nálægt Wales á því herrans ári 1750.
Þú starfaðir sem: leikritaskáld, leikstjóri, hljómlistarmaður og ljóðskáld.
--------------------------------------------------------------------------------
Hér er stutt lýsing á þér og högum þínum í síðasta lífi:
Þú hafðir ríkjandi þörf til þess að ferðast og til að rannsaka alla hluti. Gætir hæglega hafa verið rannsóknaraðili og/eða njósnari.
--------------------------------------------------------------------------------
Hvaða skilaboð færir fyrra líf þér til þessarar jarðvistar?
Þín skilaboð eru: Sigrastu á afbrýðissemi og reiði í garð annarra. Þú verður að átta þig á því að lágt sjálfsmat og ótti er orsök þessara veikleika.
--------------------------------------------------------------------------------
Er þetta ekki að rifjast upp núna? - Farnist þér vel

Ég veit nú bara alls ekki hvað mér finnst um að hafa verið karlmaður í fyrra lífi..hmmm...og árið 1750...hvað var ég eiginlega að gera í millitíðinni?

Sit hér og smjatta á súkkulaðiköku...fann þessa fínu uppskrift að hollustu- súkkulaðiköku á netinu og var að prófa. Hún er bara nokkuð góð verð ég að segja, verður eiginlega betri eftir því sem ég borða meira af henni. Væri ennþá betri með þeyttum rjóma er ég viss um. Kakan er nánast sykurlaus, bara smá sykur í eplamaukinu sem ég notaði, en það er ekkert til að tala um. Skellti uppskriftinni inn á matargatið. Er svo að hlusta á Katie Melua. Ég var svo heppin að vinna disk með henni á létt í gær. Diskurinn er eiginlega eins og kakan, verður betri eftir því sem ég hlusta meira á hann. Kannski maður spái í að skella sér á tónleikana í mars. Set svo mynd af kökunni hérna með, bara svona af því að ég hef ekkert betra að gera:)

Fallegar systur:)

Kominn mánudagur eina ferðina enn, ótrúlegt hvað vikurnar fljúga áfram í desember:) Við kláruðum að mála um helgina (lesist Sæbi kláraði að mála um helgina:). Þvílíkt fegin að þetta sé búið. Kemur líka bara mjög vel út. Leiðinlegi ljósblái liturinn horfinn og í staðinn komið gult eldhús og stofa og grár gangur. Við höfðum smá efasemdir um gula litinn þegar við vorum að byrja að mála, hann leit út fyrir að vera svo brjálæðislega gulur í fyrstu. En svo þegar hann er kominn á allt og búið að fínisera og svona þá lítur þetta mjög vel út, hressandi tilbreyting bara:)
Við fórum á jólagleði hjá kramhúsinu á sunnudagsmorguninn. Leiklistarnámskeiðinu sem Katla var á var að ljúka og krakkarnir voru að sýna afraksturinn. Þetta var mjög skemmtilegt. Kötlu hópur sýndi leikrit um Þyrnirós, frekar óhefðbundin útfærsla, hehe, það voru t.d. þrjár Þyrnirósar, ein góð álfkona og svo voru leikararnir mis upplagðir til þess að leika:) Katla stóð sig frábærlega í hlutverki góðu álfkonunnar, nema hvað:) Svo voru þarna nokkrir aðrir hópar sem sýndu sitt, það voru sungin jólalög og dansað, skemmtileg stund. Ég er samt pínu fegin að námskeiðið skulið vera búið, að því leyti að þá þurfum við ekki lengur að rífa okkur út kl. 10 á laugardagsmorgnum, Katla sagðist líka hlakka til að geta núna hangsað á náttfötunum á laugardögum:) Hún er samt búin að hafa mjög gaman af þessu, það vantar ekki. Við kíktum svo aðeins í Blómaval í gær og bættum við jólaskrautið, þannig að núna er bara að henda sér í skreytingarnar, ekki eftir neinu að bíða!