Mig langar að segja frá jákvæðri reynslu sem ég varð fyrir í dag. Maður heyrir svo oft talað um að fólki sé sama um náungann og sé ekkert að hafa fyrir því að aðstoða ókunnugt fólk, þannig að mig langar til að segja frá dæmi sem sýnir að það er til fólk lætur sér ekki standa á sama. En ég var semsagt stödd í Bónus í Hólagarði í dag, einu sinni sem oftar og var búin að versla, var að borga og Hekla Sif orðin eitthvað þreytt og pirruð. Svo þegar ég er rétt að byrja að týna í pokann þá er daman endanlega búin að fá nóg og orgar bara út í eitt! Ég beygi mig niður að henni og er að reyna að róa hana og finn dót í töskunni minni og læt hana fá. Þá kemur kona og býðst til að tala við hana á meðan ég klári að ganga frá vörunum. Ég þigg það með þökkum og býst til að fara að halda áfram að setja í pokann en þá var einhver búinn að því fyrir mig. Veit ekki hvort að það var stelpan á kassanum eða einhver annar viðskiptavinur en allavega, mér fannst þetta alveg frábært. Þó að þetta sé kannski ekki stórt atriði þá skipti þetta máli fyrir mig og ég fór út úr búðinni með bros á vör. Ætla að reyna að hafa þetta í huga, það þurfa ekki alltaf að vera stórir hlutir sem maður gerir fyrir aðra en skiptir samt máli.

Ég kíkti svo aðeins í brúðarkjólaleigu Katrínar, var búin að skoða heimasíðuna hjá þeim og sá einn kjól þar sem mér leist vel á og ekki verra að hann var á útsölu. Kjóllinn reyndist vera mjög flottur, en var miklu dýrari heldur en ég hafði átt von á en...fyrst að ég var nú komin á staðinn og Hekla Sif sofnuð þá fór ég að skoða fleiri kjóla og endaði á því að máta tvo...bara gaman:) Ég er nú ekki mikil kjólamanneskja en mér fannst þetta algjört æði..leið barasta eins og prinsessu:) Annar kjóllinn var virkilega flottur en hann var aðeins of þröngur á mig, hinn smellpassaði en ég var ekki fyllilega ánægð með hann. Líka ekki eins og ég sé í einhverju tímahraki með að finna kjól. Ég er líka búin að komast að því að leigurnar eru greinilega með einhverja kjóla í þeim stíl sem ég er að leita að..þó að ég sé bara búin að kíkja á eina þá reikna ég með að finna eitthvað á hinum líka. Og svo held ég að sjálfsögðu áfram að skoða á netinu, er búin að finna gommu af kjólum þar. Gaman að þessu:)

Vetrarborgin! Ég tók þessa mynd af svölunum hjá mér núna áðan, það er sko greinilega kominn vetur í Reykjavík, ja allavega í nokkra daga, spurning hvað þessi snjór endist lengi:) Ég var líka að klára nýjustu bókina hans Arnaldar sem heitir einmitt þessu nafni. Ég varð ekki fyrir vonbrigðum með hana, frekar en hinar bækurnar hans. Vel skrifuð og hélt mér algjörlega við efnið. Mér finnst líka svo skemmtilegt hvað maður er alltaf að kynnast þeim Erlendi, Sigurði Óla og Elínborgu betur og betur. Ég var svo að átta mig á því að það styttist í það að ég verði hálfnuð með fæðingarorlofið mitt, en litla snúllan mín varð 5 mánaða í gær! Ótrúlegt hvað tíminn flýgur, kemur mér alltaf jafn mikið á óvart:) Svo ekki sé minnst á það að Katla Dögg verður 6 ára eftir 10 daga. Ég var líka að hugsa um það hvað ég er búin að vera hrikalega léleg við það að fara út í göngutúra í þennan tíma sem ég hef verið heima. Man að ég fór út að labba með vagninn á nánast hverjum degi þegar Katla var lítil. Þarf að fara að reyna að vera duglegri við þetta, þarf svo innilega á hreyfingunni að halda! Af brúðkaupsundirbúningi er það að frétta að hann fer eingöngu fram á netinu ennþá..hehe...við erum alltof róleg í þessu held ég..þurfum allavega að fara að drífa í því að bóka prest, kirkju og finna stað fyrir veisluna. Þegar þetta er búið þá er fyrst hægt að fara að skipuleggja almennilega held ég. En ég bara ligg á netinu þessa dagana og brúðkaups-favorites listinn hjá mér er orðinn mjöööög langur!!! Það vantar ekki að þetta er mjög skemmtilegt en líka mjög tímafrekt, enginn vandi að týna sér á einhverjum kjólasíðum, spjallsíðum, kökusíðum og fleira og fleira...en þetta kemur vonandi allt hjá okkur:)