kelublogg - life itself is the most wonderful fairy tale

5.9.03

Ég var farin að hafa áhyggjur af því að ég heyrði alltaf fuglahljóð upp úr þurru hérna í vinnunni, hélt kannski að ég væri farin að heyra raddir (og meira að segja fuglsraddir)....skyndilega rann upp fyrir mér ljós...það er ein hérna sem situr nálægt mér sem er oft með kveikt á útvarpi hjá sér og alltaf stillt á gömlu gufuna....og ég var að fatta það núna að fuglahljóðið kemur úr útvarpinu, greinilega eitthvað útvarpsleikrit í gangi á gufunni þar sem fuglar koma mikið við sögu.....hjúkk......gott að vita að fuglarnir eru a.m.k. ekki inní í hausnum á mér, var farin að sjá fyrir mér að ég yrði orðin eins og leigubílstjóri dauðans úr fóstbræðrum:)

Kela at 5.9.03

3.9.03

Mér var bent á að kíkja á þessa síðu í dag...hehe, þarna eru semsagt myndir af kettlingum og maður á svo að gefa myndunum einkunn frá 1-10, frekar skondið og margar myndanna mjög krúttlegar. Þetta var semsagt vefur dagsins hjá mér.....reyndar sá fyrsti, en það er aldrei að vita nema að ég geri þetta að föstum lið. Katla byrjar í íþróttaskóla í dag, hún fer einu sinni í viku, klukkutíma í senn. Hún var mjög spennt í morgun, fannst gaman að taka með sér íþróttadótið í tösku og sagði öllum sem hún hitti þegar hún kom í leikskólann að hún væri að fara í íþróttskóla í dag. Þetta verður eflaust gaman:)

Kela at 3.9.03

1.9.03

"Sweet Dreams" (by Eurythmics)
Sweet dreams are made of this
Who am I to disagree?
Travel the world and the seven seas
Everybody's looking for something
Some of them want to use you
Some of them want to get used by you
Some of them want to abuse you
Some of them want to be abused

Which 80's Song Fits You?
brought to you by Quizilla

Jahá....þá verð ég með þetta lag á heilanum næstu daga:)

Kela at 1.9.03

Jæja, ný vinnuvika byrjuð. Átti mjög svo góða helgi. Við fórum á stórmynd Grísla á laugardaginn og skemmtum okkur mjög vel. Katla var reyndar svolítið hrædd við trailer úr einhverri Looney Tunes mynd, enda skiljanlega, kynnirinn hljómaði eins og Sauron úr LOTR eða eitthvað álíka illmenni, það urðu margir smeykir í salnum. Svo var hún heldur ekkert ánægð þegar býflugurnar voru að elta Bangsímon og félaga. En að öðru leyti var hún mjög ánægð með bíóferðina:) Gærdagurinn var svo þvílíki letidagurinn hjá mér, var sko á náttfötunum allan daginn.....hinir fjölskyldumeðlimirnir skruppu út að stússast en ég lagðist upp í sófa, undir teppi og horfði á Parenthood á stöð2, þessi mynd er í svo miklu uppáhaldi hjá mér að ég horfði á hana ruglaða, er sko ekki með stöð2. Algjör snilldarmynd:)

Kela at 1.9.03