Ahh...helgin nálgast:) Stefni á að hafa það rólegt og gott um helgina, vona bara að veðrið haldist svona gott þá er aldrei að vita nema maður geri eitthvað sniðugt eins og skella sér í sund eða göngutúr. Svo er garðveisla hjá leikskólanum hennar Kötlu á morgun, við erum að spá í að fara þangað ef það verður gott veður. Það virðist vera eitthvað vesen með lagið sem ég setti hérna inn á síðuna, það virkar alltaf heima, en ef ég fer inn á síðuna í vinnunni (sem ég geri afarsjaldan, alveg satt:)), þá virkar það ekki:( Skil þetta ekki alveg. Þannig að endilega ef einhver rekst hérna inn, þá væri frábært ef þú myndir setja það í commentin hvort að þú heyrir músíkina, annars þarf ég að skoða þetta eitthvað betur:)

Jæja, kominn tími til þess að skrifa smá er það ekki:) Ég var að setja inn þessa fínu bakgrunnstónlist hérna...lagið heitir "Accidentally in love" með Counting crows og er úr Shrek 2. Ég hugsa að ég eigi eftir að fara á þessa mynd í bíó. Fyrri myndin var allavega algjör snilld. En helgin var fín hjá okkur, við Katla brunuðum á Sigló á fimmtudagskvöldið...eða það er nú varla hægt að segja að við höfum brunað því að við vorum litla 7 tíma á leiðinni...aðallega var það þoka sem tafði okkur en við gerðum líka nokkur stopp á leiðinni...m.a. hjá Ingu Rut og fjölskyldu á Laugabakka þar sem við fengum frábærar móttökur (eins og alltaf), þessi elska beið eftir okkur með súpu (uppáhaldssúpuna okkar), brauð og salat þegar við komum...mjög ljúft:) Við vorum svo mættar á Sigló um eittleytið og ég hef sjaldan verið jafn fegin að sjá göngin og þá...ekki alveg það skemmtilegasta sem ég geri að keyra í svartaþoku. Við fengum svo frábært veður um helgina, slöppuðum af á föstudeginum og svo fórum við pabbi upp í Varmahlíð á föstudagskvöldið og sóttum Sæba, en hann hafði verið á Patró og Akureyri með körfuboltabúðir ásamt fleirum. Laugardagurinn fór svo í enn meira afslappelsi og fórum með mömmu og pabba að skoða bátahúsið hjá síldarminjasafninu Það er nú reyndar ekki búið að opna það en við fengum að skoða af því að pabbi er að vinna þarna. Og urðum svo sannarlega ekki fyrir vonbrigðum, húsið er allt hið glæsilegasta og ég hlakka til að sjá það þegar það verður fullbúið. Svo var fermingarveisla hjá Birgittu frænku á sunndeginum, mmm...slurp segi ég nú bara..maturinn var svooo góður...og kökurnar ekki síðri...enda fór átakið mitt í smá pásu um helgina...en þetta var semsagt hin fínasta veisla. Við komum svo heim í gær. Lögðum frekar snemma af stað og sluppum því við mestu umferðina..vorum komin i bæinn um þrjúleytið...alltaf gott að koma heim til sín þó að það sé líka leiðinlegt að kveðja ættingjana sem maður sér alltof sjaldan..en þá er bara að nýta tímann ennþá betur í þessi fáu skipti sem maður hittist og svo erum við nú að fara í sumarfrí eftir tæpan mánuð...get varla beðið. Ég setti inn nokkrar nýjar myndir á heimasíðuna hennar Kötlu í gær, sem voru teknar fyrir norðan. Bless í bili:)