Jæja, jólin bara alveg að bresta á:) Það er nú ekki allt tilbúið hjá okkur, en þetta mjakast. Eintómir pestargemlingar á heimilinu eins og er. Katla er reyndar nokkuð spræk, bara smá kvef í henni. En aumingja Hekla er búin að vera virkilega lasin:( Við fórum með hana á barnalæknavaktina í domus á miðvikudaginn, þá kom í ljós að hún var komin með smá bólgu í annað eyrað. Fékk sýklalyf við því. Læknirinn sagði líka að það gæti verið að hún væri með rs-vírusinn, hún liti þannig út. Sagði okkur að fylgjast vel með henni ef hóstinn færi að versna og henni liði sýnilega verr. Svo í gærkvöldi þá leið henni greinilega mjög illa. Vildi ekki drekka og var farin að hósta meira. Ég hringdi í læknavaktina til þess að fá ráðleggingar og var sagt að það væri best að kíkja með hana upp á bráðamóttöku barna þar sem hún er svona lítil.
Ég fór því með hana þangað í gærkvöldi og lét kíkja á hana. Þar var gert á henni test til að athuga hvort að hún væri með rs-vírusinn og það kom í ljós að svo er.
Sem betur fer var hún samt ekki svo slæm að við fengum að fara heim þegar búið var að skoða hana alveg í bak og fyrir og hún hafði fengist til að drekka smá. Hún svaf svo alla leiðina heim í bílnum og ég gat fært hana yfir í rúmið án þess að hún vaknaði. Hún svaf svo bara nokkuð vel í nótt, vaknaði einu sinni og drakk smá. Ég kíkti svo aðeins niður í vinnu í morgun, fékk mér morgunkaffi og sótti jólapakkann minn:) Hekla var sofnuð aftur þegar ég fór og var ennþá sofandi þegar ég kom heim. Vaknaði svo fljótlega eftir að ég kom heim og drakk vel og er svo sofnuð aftur núna. Litla krúttið, það er erfitt að vera svona lítil og lasin:( Hún virðist nú eitthvað vera að hressast, verður vonandi orðin betri á morgun. Við Sæbi erum svo bæði þrælkvefuð og með hálsbólgu þannig að það er ástand á heimilinu. Við verðum samt alveg tilbúin í jólin á morgun, eigum bara eftir að þrífa og taka til og svona smotterí, þannig að þetta reddast nú allt saman:) Ég ég býst ekki við að skrifa meira fyrir jól þannig að ég segi bara Gleðileg Jól!!! Njótið hátíðarinnar og hafið það sem allra best:)

Ég var að stíga stórt skref..ja kannski ekki stórt skref fyrir suma en fyrir mig...var nefnilega að panta mér tíma hjá tannlækni. Fæ hroll bara við að skrifa þetta. Ég hef ekki farið til tannlæknis lengur en ég kæri mig um að opinbera hér. En það er allavega orðið aaaaaaltof langt síðan! Er búin að vera að hugsa um þetta ca. undanfarinn mánuð, hef verið að fá svona smá tannpínu af og til..en hef frestað þessu og frestað þessu svo meira. En núna þolir málið enga bið, nenni ekki að vera með tannpínu um jólin. Ég er samt strax farin að kvíða fyrir...gæti trúað að ég væri komin í slæm mál. Vona líka að þetta setji mig ekki á hausinn. En það er víst bara að bíta á jaxlinn (hehe takið eftir brandaranum, góður eða ekki) og láta sig hafa það. Hugsið hlýlega til mín kl. 13:30 á miðvikudaginn!

What's Your Wedding Style?
brought to you by Quizilla